فيلم escape plan والمعتقل
قناة 5 movies بتعرض فيلم escape plan بطولة سيلفستر ستالون الحقيقة انا اتفرجت عليه فبل ا ادخل المعتقل على طول لكن المره دى كان المشاهد مختلف لان لحظة
فى مشاهد سيلفستر بيقول لارنولد
"The mind of a man confined works differently than someone on the outside. He sees things different. The architecture is vertical. The cell blocks, Babylon, the box, the mess... Everything's in large vertical compartments."
"عقل الرجل المسجون يفكر بشكل مختلف عن شخص في الخارج.. فهو يرى الأمور بشكل مختلف؛ المعمار هنا عمودي، عنابر الزنازين، الصندوق، غرفة الطعام... كل شيء مقسم إلى قطاعات عمودية كبيرة."
دا كان نفس تفكير مع كل السجون كنت بمسح كل معمار وحديد السجن بعينى وايدى حتى السباكة والكهرباء عشان كده الدواعش كانوا عرفين اضعف قطعة حديده ممكن تخلعها فين فى السجن
والمشاهد بتاع العلبة الكارتون اللى سلفستر كان بيفك فيها هو كان بيعمل كده عشان بيستغل طبقات الورق أو الكرتون الرقيق اللي جوه العلبة أو الغلاف عشان يصنع منها أداة حادة أو يكتب عليها / يعزل بيها حاجة، أو الأهم من كده: لما كان بيستخدم الكبريت والورق ده بطريقة هندسية عشان يعرف اتجاه الهواء أو يقيس درجة الحرارة ونقاط الضعف في تصميم زنزانته
الانفرادية ويعرف هو مسجون فين بالضبط بناءً على حركة التكييف والتهوية. انا كنت بعمل كده كنت بجيب علبه الجبنه وبفصصها عشان اعمل بيها اكتر من استخدام الجزء المعدن كنت بعمل منه اريال والجزء الورق كنت بكتب عليه ولحد دلوقتي بشوف اي ورقه او اي علبه جبنه او لبن بخيره بفكر نفس التفكير
السرنجة كنت بعمل منها برده أكتر من حاجة كنت بجيب سن القلم الرصاص وبدخله فيها وكنت لما أحب أمسح الكلام كنت بستخدم الجزء المطاطي كنت بمسح بيه كان بيتحول لأستيكة وكنت بعمله زرار كهربائي بدخل طرف سلك من بوز السرنجة والتانية الجزء التاني ناحية الأستيكة بحيث لما أقربهم من بعض يشتغل لما أبعدهم يفصلوا وحاجات زي كده كتير قوي
لو جبت مسجون وحطيته تحت الأرض وقفلت عليه هيطلع لك بعد نص ساعة في إيده اليمين كوباية شاي وفي إيده الشمال سيجارة مولعة
تعليقات
إرسال تعليق