اثار جانبيه محمد اكسجين

  صباح الخير يا دكتور عبد المنعم. دكتور عبد المنعم من ألطف الناس اللي ممكن تشوفهم في حياتك؛ إنسان عنده ذوق وإحساس عالي. في مرة كان بيسألني: "بتشرب إيه؟" قولته: "حلبة بحليب"، فضحك ضحك السنين وكان فاكرني بهزر. بعد شوية سأل قصاص: "بتشرب قهوة؟" قصاص قال: "لا". طيب خد القهوة دي لأكسجين يشربها وهو بيسمع الأخبار. فصدمه قصاص وقال له: "أكسجين مش بيشرب ولا شاي ولا قهوة ولا حاجة ساقعة". دكتور عبد المنعم: "أمال بيشرب إيه؟" قصاص: "أكسجين بيعمل خروب ودوم وعرقسوس وتمر وكركديه، وبيعمل بطاطا".

  بمناسبة اللي بيحصل في مطعم عيش وملح.. أنا كنت شغال في المجال دا من فترة، وعارف الظلم اللي الناس بتشوفه. خصوصاً بقى في الأعياد وفي أيام رمضان، وخميس وجمعة.. الناس بتحط تحت ضغط رهيب بيوصل إن الناس بتحس بالقهر الشديد، عشان ما حدش بيحس بيهم. ​فأنا عايز أتكلم على واقعة حصلت في أشهر مصنع حلويات في مصر؛ صاحبه راجل غني جداً وعنده شركات وحاجات في الإعلام والكلام ده كله (مش ينفع أقول اسمه عشان ما أتحبسش تمام؟). ​عايز أقول إن المصنع ده شغال فيه أكتر من ألف أو ألفين عامل، والناس دي المفروض إن بيجيلهم بونص كل فترة عشان هما بيتعبوا وتعبهم جامد جداً. فالراجل ده كل فترة بيسرقهم بينصب عليهم وما بيديهومش البونص دوت. فجه شهر الناس تعبت فيه، والناس شغالة سنين وسنين، وما نزلش البونص. ​حصلت حاجة زي "روبن هود".. شخص ما قرر إن هو ياخد حقه فينتقم. فعمل إيه؟ اقتحم الإدارة بتاعت المصنع (الإدارة لازقة في المكان بشكل ما مش عارف أوضحه برضه). هو طلع ودخل على المكاتب الإدارية، تقريباً دخل على الشؤون المالية، وسرق فلوس وسرق لابتوب ​الغريب في الموضوع إنه كتب على الحيط أو في مكان واضح: "البقية سوف تأتي...