اثار جانبيه محمد اكسجين

اكسجين ودومة بص عاوز اقول لك حاجة حصلت في المعتقل في مرة كنت قاعد بأسمع الراديو والشرق الأوسط وفجأة كده قطعوا البرنامج وقال لك فلان الفلاني أخذ عفو رئاسي هيطلع فنديت على فلان الفلاني دوت ما ردش عليّا فمين بقى اللي بأحبه أحمد دومة فنديت على أحمد دومة يا أحمد يا دومة الحق فلان الفلاني أخذ عفو رئاسي بجد يا أكسجين أيوه بجد فبدأت الناس تسأل دومة هو في إيه فدومة بدأ يقول ده أكسجين سمع أن فلان الفلاني أخذ عفو وبدأ الناس تسأل فلان الفلاني في إيه فبدأ يقول ده أكسجين سمع أن على الشرق الأوسط أن فلان الفلاني أخذ عفو فجأة لقيت السجن كله عمال يقول أن أكسجين كذا كذا أنا اصبح اسمى جزء من الخبر واول قاعده فى الصحافة اوعى تكون انت الخبر هنا اتّرعبت قلت يا نهار أسود طيب الخبر ممكن يبقى غلط وكده أنا ممكن أروح في داهية وتبقى إيه أخبار كاذبة وبالصدفة كده كان رئيس المباحث معدي وفتح النضارة عليّ وقال أكسجين أنت جبت الخبر ده منين قلت له من الراديو هو أنت ما تعرفش قال لا ما أعرفش بس أنا كنت مرعوب لأن الناس كلها تفتكر أن أنا بأقول خبر خطأ أو يطلع خبر خطأ وتبقى كارثة بس أحمد دومة كان مركز معي جدًا يعني وعشان كنت ...